વર્તમાન વર્ષમાં ઈક્વિટી કેશમાં ડીઆઈઆઈની રૂ.૪.૧૦ લાખ
કરોડની નેટ ખરીદી રહી છે જ્યારે વિદેશી રોકાણકારોએ રૂ.૧.૬૫ લાખ કરોડની વેચવાલી કરી
છે. વર્તમાન વર્ષના પ્રથમ સાત મહિનામાં મ્યુચ્યુઅલ ફન્ડોએ રૂ.૩ લાખ કરોડથી વધુ
ઈક્વિટીસમાં ઠાલવ્યા છે, જ્યારે વીમા કંપનીઓએ રૂ.૪૮૦૦૦ કરોડ અને પેન્શન ફન્ડોના રૂ.૨૧૫૦૦
કરોડ આવ્યા છે. કંપનીઓના નબળા ત્રિમાસિક પરિણામ, વિદેશી સંસ્થાકીય રોકાણકારોની સતત
વેચવાલી તથા ઊંચા વેલ્યુએશનની ચિંતા વચ્ચે પણ ડીઆઈઆઈની ખરીદી જોવા મળી રહી છે.
દેશની ઈક્વિટી માર્કેટમાં એક તરફ વિદેશી સંસ્થાકીય
રોકાણકારો વેચવાલ રહ્યા છે ત્યારે ઘરેલુ સંસ્થાકીય રોકાણકારો એ વર્તમાન વર્ષના પ્રથમ
સાત મહિનામાં ઈક્વિટીસમાં રૂ.૪ લાખ કરોડથી વધુની રકમ ઠાલવી છે. મ્યુચ્યુઅલ
ફન્ડોમાં રોકાણકારોના ઈન્ફલોસ તથા વીમા કંપનીઓ અને પેન્શન ફન્ડોના સતત
ઈન્વેસ્ટમેન્ટ પ્રવાહને જોતા ઈક્વિટીસમાં ઘરેલું રોકાણકારોની વર્તમાન રોકાણ ગતિ
જળવાઈ રહેવા ધારણાં રાખવામાં આવી રહી છે. વર્ષ ૨૦૨૫માં ડીઆઈઆઈનો ઈન્વેસ્ટમેન્ટ આંક
૨૦૦૭ બાદ બીજો મોટો વાર્ષિક આંકને આંબી ગયો છે. ૨૦૨૪માં ઘરેલું સંસ્થાકીય
રોકાણકારોએ ઈક્વિટીસમાં રૂ.૫.૨૩ લાખ કરોડ ઠાલવ્યા હતા.
દરરોજ સમાચાર મેળવવાં માટે અમારી વોટ્સએપ ચેનલ Join કરવા ક્લિક કરો : https://whatsapp.com/channel/0029VaVkaZX8Pgs7nE7Hk33O
