સિપ્લા લિ.

આગામી દિવસોમાં સિપ્લા લિમિટેડના શેરના ભાવમાં વધારો થવાની સંભાવનાઓ અનેક મજબૂત પરિબળો પર આધારિત છે. વર્ષ ૨૦૨૫ના ચોથી ત્રિમાસિકમાં, કંપનીએ રૂ.૧૨૨૨ કરોડનો નફો નોંધાવ્યો છે, જે વર્ષ-દર-વર્ષ ૩૦%ની વૃદ્ધિ દર્શાવે છે અને આવક ૯% વધી છે જે રૂ.૬૭૩૦ કરોડ સુધી પહોંચી છે. આ વૃદ્ધિ મુખ્યત્વે શ્વસન અને યુરોલોજી જેવા ક્રોનિક રોગોની દવાઓની મજબૂત માંગને કારણે છે. કંપનીએ તાજેતરમાં Ivia Beaute Pvt Ltd ના કોસ્મેટિક્સ અને પર્સનલ કેર બિઝનેસનું રૂ.૧૩૦ કરોડમાં અધિગ્રહણ કર્યું છે, જે તેના ઉત્પાદનોના પોર્ટફોલિયોને વિસ્તૃત કરીને કન્ઝ્યુમર હેલ્થકેર સેગમેન્ટમાં તેની હાજરી મજબૂત બનાવશે. આ ઉપરાંત, સિપ્લાએ USFDA પાસેથી તેની ગોવા સુવિધા માટે “વોલન્ટરી એક્શન ઇન્ડિકેટેડ” સ્ટેટસ પ્રાપ્ત કર્યું છે, જે તેના નિકાસ વ્યવસાય માટે સકારાત્મક સંકેત છે.

USFDAની મંજૂરી અને વ્યૂહાત્મક અધિગ્રહણો સાથે સિપ્લા વૈશ્વિક બજારમાં તેની હાજરી મજબૂત બનાવી રહી છે જે તેના શેરના ભાવમાં વૃદ્ધિ માટે અનુકૂળ પરિબળ છે. સિપ્લા દેશ અને વિદેશ બંનેમાં પોતાની વૈજ્ઞાનિક ક્ષમતાઓ, નવી દવાઓના લૉન્ચ અને વિતરણ નેટવર્કના વિસ્તરણ દ્વારા બજાર હિસ્સો સતત વધારી રહી છે. કંપનીની સંયુક્ત સંસ્થાઓ અને વૈશ્વિક ભાગીદારી દવાઓની નવી રેન્જ બજારમાં લાવવા માટે સહાયક બની રહી છે. કંપનીએ રૂ.૧૬ પ્રતિ શેર ડિવિડન્ડની જાહેરાત કરી છે, જે રોકાણકારો માટે આકર્ષક છે. આ તમામ પરિબળો, જેમ કે મજબૂત નાણાકીય પરિણામો, વ્યૂહાત્મક અધિગ્રહણો અને નિયમનકારી મંજૂરીઓ સિપ્લાના શેરના ભાવમાં આગામી દિવસોમાં વૃદ્ધિની સંભાવનાઓને મજબૂત બનાવે છે.

ડિસ્ક્લેમર / પોલીસી / શરતો www.nikhilbhatt.in ને આધીન…!!!

The securities quoted are for illustration only and are not recommendatory. Investment in securities market are subject to market risks. Read and agree Disclaimer and related all the documents carefully before investing, mentioned on www.nikhilbhatt.in